سنة 2004 خرج علينا الفنان يحيى الفخرانى بمسلسل عظيم اسمه
(( عباس الابيض )) .. وعباس الابيض هو اسم البطل ال كان بيمثله يحيى الفخرانى. البطل ال سافر العراق, ال اخد جواز سفر واحد ميت عشان يهرب من العراق بعد الحرب على الكويت وعاصفة الصحراء, المُحب للقراءة.
عباس الابيض كان بيحب القراية جدًا وقرر انه يألف كتاب بعنوان
(( التاريخ كما يجب ان يكون )) بيسرد فيه احداث تاريخية بطريقته الخاصة,
لانه - فى المسلسل - كان شايف انه من التاريخ نقدر نشوف المستقبل.
وعباس الابيض هو المُلهم الخاص ليا فى الكتابة عن التاريخ, لانى بتّبع نظريته فى ان التاريخ اساس المستقبل.
يمكن انا ما كتبتش فى التاريخ كتير, لكن قريت كتير وسمعت اكتر, وكانت تجربتى الاولى والوحيدة فى كتابة مقال تاريخى عظيمة جدًا وعمرها قصير جدًا. لانه - وبعد ما جمعت المعلومات وكتبت المقال - اتمنعت من النشر (( اتحاربت بدرى اوى :D )) ..
فقررت انى اعمل المدوّنة دى .. اكتب فيها لنفسى ولاى حد ممكن يمر هنا صدفة او ترميه الاقدار للنواحى دى .. عشان اكتب المقالات ال احبها عن التاريخ بدون ما اتمنع من النشر.
وبسم الله ..
كل الاحترام والمسلسل كان رائع ان لم يكن اكثر من ذلك
ردحذفالمسلسل رغم انه ما اتكلمش عن التاريخ بشكل كبير , الا انه أثر بشكل او بآخر فى رؤيتنا احنا للتاريخ ..
حذفواستمر بكتاباتك قد يأتي يوم يطلع عليها احدهم ويقول كان هناك من فهم وتعلم ودرس وابدع.
ردحذفشكرًا جدًا على التشجيع ده :)))
حذف